það er opinbert, það er kominn vetur hjá mér
badmintonið byrjar á morgun, vetrarboði!
ég elska samt september, ég á afmæli í september! ahhh ég elska að eiga afmæli! ég er samt búin að reyna að hugsa eitthvað til að fá í afmælisgjöf en dettur ekkert í hug, ferlegt, ég er búin að kaupa mér allt sem mig langar í..
í sumar er fyrsta skipti síðan ég bara hmm man eftir mér, sem ég hef ekki verið að æfa badminton á sumrin, það er nú bara vegna þess að ég hætti í landsliðinu og ætla ekki að keppa í vetur (nema ég nenni).. en ég verð að spila 2x í viku með ótrúlega skemmtilegum hóp, hlakka mjög mikið til
ahh ég hlakka til vetrarins! mér finnst gaman á veturnar líka, kósí í myrkrinu og svo ætla ég líka að æfa mig massívt á fína fína snjóbrettinu mínu.
svo finnst mér líka gaman að klæða mig í layers!
kl. 22:50 | holla ( 0 )
30. ágú ( 2008 )
ég haaaata þessar viðgerðir á hallgrímskirkju
þeir voru byrjaði þegar ég vaknaði kl 8:40 í morgun
svo hata ég líka fullt fólk sem gengur götuna mína gargandi eða syngjandi eða rífastandi um miðjar nætur, go back to grafarvogur og gargið þar
ég fór í blóðbankann um daginn með gunnari steini
það var fínt, góðar veitingar og maður nær að láta gott af sér leiða og svo fékk ég að hanga smá með gsm
ég væri samt til í að þetta væri eins og í venjulegum banka þar sem maður gæti loggað sig inn og séð í hvert innlögnin manns væri notuð
"notað til að bjarga ungabarni..."
"notað sem neyðarblóð í sjúkrabíl..."
eitthvað svona
ég er nefnilega heví sátt með blóðið mitt sem er ofurblóð, ég ætla að gefa aftur um leið og ég má
kl. 13:42 | holla ( 13 )
28. ágú ( 2008 )
ég fékk tannrótarbólgu og þurfti þess vegna að fara í rótfyllingu á þriðijudaginn.. sko ég reyndi að gúgla þetta en fann eiginlega engar reynslusögur þannig skilaboð til þeirra sem koma hingað af gúgli
EKKI GERA ÞAÐ!
heh.. þegar deyfingin fór úr þá verkjaði mig svo mikið að ég var viss um að það var verra en.. sko.. ég þekki strák sem fór nærbuxnalaus í gallabuxum á hestbak og fékk brunasár inná báðar kinnarnar sem svo gréru saman um nóttina, sko þetta var amk verra en þegar hann þurfti að losa þær í sundur
svo fékk ég sýkingu
og svo ældi ég öllu innvolsinu mínu af sýklalyfjunum
núna er ég samt komin með ný sýklalyf, virka betur og er ekki búin að taka verkjalyf síðan í morgun húrra..
ég er búin að glápa fullt á önnu pihl, ég elskana... svo heyrist mér allir sem tala fyrir utan húsið mitt tala dönsku.. veit ekki hvort það er bara satt eða hvort það er allt kódeinið eða glápið á önnu...
puhlííííís get ég samt klárað að hressast á morgun
kl. 23:02 | holla ( 17 )
27. ágú ( 2008 )
var logi geirs að koma úr eyjum?
kl. 19:02 | holla ( 10 )
hvaða rugl er í gangi? af hverju var sturla ekki fenginn til að stýra vörubílnum??
kl. 18:19 | holla ( 3 )
sorrí með mig en mér finnst þessi "frétt" eiga betur heima á vísi en mbl.. hvað er að FRÉTTA mbl???
kl. 14:51 | holla ( 8 )
24. ágú ( 2008 )
ég var svo glöð að sjá strákana okkar brosa á pallinum þegar þeir fengu verðlaunin.. ég lá í sófanum og svaf yfir leiknum, ekki að gera sig svona snemma... eflaust hefði heppnast betur að halda mér vakandi ef við værum að vinna
en mikið er ég ótrúlega montin af þeim
áfram ísland! kl. 13:46 | holla ( 7 )
23. ágú ( 2008 )
mér finnst ungliðapólitík alltaf eins og stúdentapólitík...
það var viðtal við stelpu í blaði í dag sem var með splunkunýja hugmynd
þetta hefur ALDREI VERIÐ GERT ÁÐUR!
hún bjó til vefsíðu sem er svona vefsamfélag, fólk býr til prófíla og setur þar myndir af sér og tengir sig við annað fólk og getur skrifað skilaboð hjá þeim og þannig!
thailensku lottódúllurnar eru mestu dúllur sem ég veit um og mér finnst svo frábært að þau hafi unnið
en guuuuuð minn góður hvað mig langar að segja þeim að treysta engum
alveg búið að sýna í sjónvarpinu hvar þau búa og allt
en að öðru... við hans sultuðum eins og vindurinn úr berjunum sem við tíndum í þorskafirði
fiskarnir þarna eru algjörir moðerfokkerar, laxarnir stukku fram og til baka með fokkmerki á uggunum.. ojj ég hata þá, samt gaman að veiða! mig langar í stöng.
sem betur fer var stappað af berjum.. ég held við höfum eytt ca hálftíma hvort í að pikka upp 5kg af aðalbláberjum, ég hef aldrei séð annað eins... við gerðum 3 tegundir af sultu.. venjulega, með vanillubragði og með kanil- og negulbragði
úff hvað ég hlakka til ð borða þetta með ostum
(bannað að gera grín að myndunum úr símanum mínum!)
kl. 23:48 | holla ( 10 )
einu sinni var fólk oft að linka á mig og tjá sig á blogginu sínum um það sem ég var að segja
núna er ég orðin svo mikið has been að ég nenni ekki að fylgjast með teljaranum mínum nema í mesta lagi einu sinni í mánuði... samt eiginlega nær einu sinni á ársfjórðungi...
ég rakst samt á þetta og var að vonast eftir einhverju djúsí um mig eða mín skrif, en þá var þetta bara annarra manna rifrildi sem ég var pinku dregin inní
samt mega sátt með að vera enn titluð bloggdrottningin heh..
kl. 20:06 | holla ( 10 )
ahh við eyddum 2 vikum on the road og borðuðum aldrei sveittan vegaborgara
það er fullt af fólki farið að koma með fína staði hingað og þangað um landið.. og við elduðum okkur bara frekar eitthvað en að borða ógeð
á sunnudaginn fann ég besta staðinn til að stoppa á
hann er (ótrúlegt en satt) í búðardal!
leifsbúð var með svo ógila góðan mat að ég vildi óska þess að staðurinn væri í reykjavík svo ég gæti borðað oftar þar
ég kann að meta svona
það er samt eiginlega ekki til neinn góður staður á leiðinni á akureyri, þess vegna finnst mér að netkærastinn minn ætti að opna serrano á nýju N1 stöðinni sem leysir brú og staðarskála af, svo fólk geti borðað hollan og góðan mat á leiðinni norður
kl. 17:57 | holla ( 6 )
við sissi erum að setja eitthvað brúðkaupsmet
okkur er boðið í 6 brúðkaup í sumar. eitt eftir, það er í sept.
mættum í 4. í gær (við komumst ekki í eitt af þessum 6)
í þessum 4 athöfnum sem við höfum mætt í hefur lagið ást verið sungið, við erum að spá í að fá óttar proppe til að syngja það í kirkjunni þegar við giftum okkur. djók
ég myndi frekar fá palla til að syngja eitthvað af síðustu plötunni sinni (ekki það að ég sé að plana að gifta mig í kirkju á næstunni)
það var ótrúlega gaman, brúðurin var svo sæt og maturinn var góður og veislustjórinn var fyndinn og félagsskapurinn var frábær og ég var glöð eftir gay prædið
vagninn hans palla var svoooo fínn! og það var svooooo mikið af fólki og við vorum með gott spott og ég á skemmtilega og góða vini kl. 23:13 | holla ( 3 )
7. ágú ( 2008 )
nú hefst leikurinn "HVAR ER KATRÍN???"
til að gera þetta pinku erfiðara eru myndirnar ekki í réttri röð og ég passaði mig að setja ekki týbískustu sjónarhornin..
þeir sem voru með í ferðinni eða eiga staðina mega ekki svara:)
1 Bolungavík á Ströndum - Kristín
2 Látrabjarg - Jón B
3 Krossnes - Helgi G
4 Djúpavík - Jón B
5 Surtarbrandsnáman í Stálvík - Gunnare
6 Húsavík - Hanna Mjöll
7 Ásbyrgi - Hanna Mjöll
8 Dettifoss - Jón B
9 Fjallsárlón - Helga
10 Akureyri - Kolbrún
11 Ingólfshöfði - Jón B
12 Sænautasel - Gísli
13 Námnaskarð (Hverir) - Hanna Mjöll
14 Dimmuborgir - Hanna Mjöll
15 Barðaströnd, Skor - Kolbrún
16 Af fjallinu Ernir, horft yfir Furufjörð og yfir á Drangajökul
17 Reykjafjörður á Ströndum - Kristín
18 Svartifoss í Skaftafelli - Jón B
19 Seljalandsfoss - Jón B
20 Kröflusvæðið (Leirhnjúkur) - Jón B
21 Gljúfrabúi (leynifossinn rétt hjá seljalandsfossi) - Sólin
og sorrí með mig en mér finnst þessi gæi eitt mesta fífl sem hefur komist í fréttirnar.. þvílíkt bíræfinn náungi. oj
svo fara þessar nærridauðareynslu fréttir hans bubba í taugarnar á mér
kl. 22:03 | holla ( 0 )
ég hef ekki horft á sjónvarp síðan ég man ekki hvenær en datt inná kastljósið áðan
þar var rætt við fólk sem hefur átt í erfiðleikum útaf kreppunni og frosti á fasteignamarkaði blablabla
ok það var rætt við konu sem stækkaði við sig og bjóst við að selja hina íbúðina sína strax en svo seldist hún ekki og konan situr uppi með tvær íbúðir
hún gaf auðvitað ástæðuna að fasteignasalinn hefði sagt henni hún gæti strax selt hana (hvað átti hann að segja? þetta selst aaaaldrei)
æi mér fannst þetta pinku sjálfskaparvíti og finnst það hefði frekar átt að ræða við fólk í alvöru vandræðum..
kl. 21:20 | holla ( 6 )
4. ágú ( 2008 )
ég er komin heim og enn á lífi
það munaði samt mjóu þegar við löbbuðum eitthvað djöfuls einstigi í snarbrattri hlíð stálfjalls á barðaströnd. ég hélt að þar gengi ég mín síðustu skref og myndi enda dauð í skriðu 200metrum neðar.
sá samt í staðinn inn í surtarbrandsnámur svo það var þess virði
við gerðum svo ótrúlega margt skemmtilegt og veðrið hefði ekki getað ferið betra! það var logn næstum allan tímann, alveg ótrúlegt logn, uppi á fjöllum og allstaðar.. sléttur sjór... og heitt, stundum of heitt og ég er tönuð.. var brunnin
ætlað setja inn vel valdar myndir við tækifæri, nú tekur við raunveruleikinn
byrjuðum á að setjast inn á mál og menningu, drekkandi kaffi... svo skoðuðum við í búðarglugga, ég ætla að fá mér kjól og nýja skó! djö á ég skilið fínt eftir öll afrek frísins
kl. 23:33 | holla ( 5 )
